نشطاء بالاسكندرية يطالبون بعلاج محمود المصاب بسرطان على الرئتين على نفقة الدولة

2017-01-03 11:38:55


كتبت وفاء محمود 

 

محمود مصاب  بسرطان على الرئتين و حالته متدهوره لدرجة انه وصل لرشح على احدى الرئين ، ظروف أهله المادية ضعيفه جدا  .
محمود كان موجود فى مركز محمد رشيد بمحطة الرمل إسكندرية و حالته كانت كل يوم فى سوء و مفيش تحسن نهائى إلى ان جاء يوم مباراة القمة ، كان متوقع ان الزمالك يكسب 3/0  و لكن صدمته فى شكل الفريق و هزيمة الزمالك الموضوع وصل إلى ان الولد دخل فى حالة غيبوبه مؤقته .... لكن الحمد لله فاق و حالته تحسنت بعض الشئ .
تفاعل معاه بعض الشباب فاعلى الخير و قاموا بنقل الحاله الى مستشفى الأندلسية ( مستشفى إستثمارى كبير )  لتحسين الحاله و محاولة انقاذه ،و المشكله ان محمود المفروض المعدل الطبيعى لحامل المرض يتراوح ما بين نسبة ( 5 : 6 )  لكن المعدل مع محمود وصل إلى ( 175 )  و ده معناه ان محمود فى مرحلة الخطورة على حياته و ده كلام من لسان الأطباء و ذلك بالإضافة الى ان مناعته ضعيفه جدا و بيقاوم المرض بصعوبة و بينتشر فى جسمه بسرعه رهيبه و الموضوع واصل الى ان لو فى واحد دخل يزوره و الزائر مريض بأى شئ حتى لو ببسيط من  البرد بنسبة كبيرة هيتعدى منه  يقول احد الشباب المهتمين بالحالة
الحمد لله استطعنا ان نجمع له فى يومين 13050 جنيه ودفعت فى حسابه  بالمستشفى  .
اكتشفنا ان كشف حساب محمود فيما يعادل 20 ساعة فقط 6500 جنيه بالظبط  ....و متبقى فى الحساب قرابة  إل 6550 تقريبا تقضيه يوم كمان  .
المطلوب اللى يقدر يساعد الولد بحاجه يعملها  
احنا مش أصحاب ملايين ولا حاجه ده كل واحد فينا دفع اللى فيه النصيب لكن العدد بيفرق طبعا  .
محمود محتاج  : 
1- مبلغ مالى يضاف فى حسابه علشان يستكمل العلاج إلى ان يستقر و يتم نقله لمستشفى أقل تكلفه  .
2-  لو حد يعرف واسطه فى المستشفى يخفض التكاليف شويه علشان المبالغ تمكنه من الإقامه فترة أطول  .
3- واسطه فى أحد مستشفيات ( جمال عبد الناصر / الانفوشى / القبارى / طوسون / رأس التين )  يقال ان الرعاية فيها كويسه و قد تناسب حالة محمود بعد ان يتحسن نوعا ما 
4- دعم معنوى من الشباب .
حاولنا التواصل مع مجلس إدارة نادى الزمالك عن طريق الاستاذ رحاب ابو رجيلة و تفاعل بشخصه معنا و قدم المساعدة بما يستطيع و مشكور طبعا  .
محمود مقيم الآن ب 
- مستشفى الأندلسية بسموحة غرفه 208 عناية أطفال  .
- رقم تليفون المستشفى : 
16781 ( خط ساخن )
03/ 4197000 ( الخط الأرضى ) و يتم طلب رقم 1 او 2 للتحويل إلى خدمة العملاء او الريسبشن ....للتأكد من التفاصيل و صحة الكلام  .

- ده رقم حساب والد الأستاذة زهره ( متابعه الحاله مع المستشفى و بتستقبل التبرعات من غير القادرين على الذهاب للمستشفى )  ...... بيانات الحساب  .....

اسم صاحب الحساب  :  محمد على كامل غريب الطويل 
رقم الحساب  : (  36/299628  ) البنك الأهلى فرع المنشية .

- ده رقم تليفونى/ محمد عبد الحميد 01289350506 
الزميل / ماهر عبد العزيز  : 01001891715




موضوعات ذات صلة