طبيب الاسنان الدكتور اندرو وجدي يكتب .......شخصيات سامة 2 

2017-01-11 03:30:48



الشخصية الخامسة 
الشخصية المتعجرفة و المتكبرة .....
الانسان المتكبر لا يعرف معني الحياة الحلوه ، لا يعرف الحياة البسيطة الممتعة ، دائما مكبر الامور و حياتة كلها شكليات و مشاكل و كل شئ حولة ( fake ) غير حقيقي ، علاقاته غير حقيقية ، مشاعره ، عاداتة ، افكاره ، شخص غير مريح في التعامل و غير سوي .....دائما عنده احساس بالنقص و ترجمة هذا الاحساس التكبر ، اسؤا مدير هو المدير المتكبر ، و اسؤا صديق هو الصديق المتكبر ، اسؤا مدرس هو المدرس المتكبر ، جرب تتخيل شخصية المتكبر في اي مهنة او منصب ستجد ا انه غير مناسب لاي شئ ، في حياتي كان لي علاقات قريبة من كل فئات المجتمع من اول الغفير للوزير ، و استطيع ان آآكد انة كلما زاد شأن الشخص المحترم كلما زاد اتضاعة ، كلما زاد منصب و مكانة شخص و هو (اب ناس و متربي في بيت شبع ) كلما زاد اتضاعة و حبة للناس ، المتعجرف يري الحياه من منظوره هو فقط ، لا يحب الا نفسة ، اعداءه كثيرين جدا ، التكبر بيضيع حياة الانسان الاجتماعية و ايضا الروحية ، لان اصل و جوهر الدين يكمن في الاتضاع و ان تنفذ مرضاه اللة ، و المتكبر لا يعرف الطاعة ! التكبر احدي الطرق السريعه لغضب ربنا ! 
الشجصية السادسة 

الشخصية التي لا تعرف قدر نفسها ...
حلو جدا ان الانسان يعرف قيمة نفسه ، و حلو جدا ان الانسان يشتغل ليل و نهار علشان يوصل لاحلامة ، لكن سئ جدا ان الانسان لما يوصل يقول "انا وصلت "، الناس هي الحكم ، الناس هي اللي تقول " ان فلان وصل" .....الشعب و الجمهور هو اللي يقول فلان عمل حاجه ، مينفعش حد يصحي الصبح و يقول علي نفسة انا مشهور انا مشهور .....و هو مغمور بالنسبة لاصحابة ، لكن لما هذا الشخص يعمل حاجه كويسه و تبدا الناس تعرف عنه و اصبح الناس هم سبب شهرته و اصبح الجميع يعرفه من غير ما يلقب نفسه بالمشهور !!
الانسان الذي لا يعرف قدر نفسه ، هو عباره عن كارثة بتكبر ، مصيبة و ملهاش حل ! فيروس و ممكن ينشر في اي وقت !! دائما عنده توقعات غير صحيحة و علاقاتة الاجتماعية غالبا غير ناجحة ، شخصية غير محبب وجودها بصفة عامة ، لا اعتقد انة من الممكن ان شحصية لا تعرف قدر نفسها ان تكون ناجحه ! لو كنت شخصية لا تعرف قدر نفسها و تقرأ تلك الكلمات الان اسمح لي ان اذكرك بنقطتين الاولي انت انسان ! اتعرف ماذا تعني الكلمة ؟ تذكر ان فيروس صغير جدا غير مرئي بالعين المجرده ربما يدمر حياتك و ينهيها ! ثانيا ( و لا نيل المطالب بالتمني .....)، سيمضي الوقت قبل تحقيق احلامك و ستندم ان لم تعدل من حالك .

الشخصية السابعه لا تتحكم في لسانها 
بكلامك تبرر و بكلامك تدان ، و لما حد يقول كلمة حلوه الناس تقولة " يسلم لسانك " و لو قال كلمة مش كويسة يقال ان " لسانة عايز يتقطع " اللسان سلاح غدار و قاسي جدا . اللسان هو اداه الخير السهل و الشر المميت ، لسانك هو اللي بيصلي و هو اللي بيدعي و هو اللي بيشتم ! الانسان الذي لا يعرف كيف يتحكم في لسانة ، قلتة احسن ! 
الشحصية الثامنة كثيره النقد 
اكيد يا عزيزي تعلم ان هناك نقد بناء و نقد هادم ، نقد لمصلحتك علشان يبنيك و نقد يكسرك و يهدك ! عمنا اللي بينقدك علشان يهدك لازم تحسبة في تعداد الموتي في حياتك !! لابد ان يكون هذا الشئ هو اللاشئ في حياتك و هذه قضية منتهية !!
الشحصية التاسعة ( شفتك اتلخبط ) 
شفتك اتلخبط ده اسم اغنية شهيره للنجم راغب علامة بيتكلم انة لما شاف حبيبتة نسي نفسة و مش عارف هي جنس و لا انس .....و انا احب ادعي ربنا ان يوفق النجم في انة يتعرف علي حبيتة و يعرف هي انس و لا جن و لكن ما يعنيني هو الاشخاص اللي بينسوا نفسهم مع ظروف معينة !! في واحد يبيع مبادئة علشان الجنية ...بلاش منة ، واحد ممكن يكذب علشان خايف من شخص او موقف ......امسحة من علاقاتك ارجوك، بوصف اخر بسيط هو انسان بلا مبادئ ! 
اعتقد ان بعد هذا المقال و المقال السابق انت علي وشك انعاء علاقتك ب 70 % من علاقاتك لو مش اكتر من كده و انا حابب اشجعك جدا علي تلك الخطوه ! خليك ايجابي مع نفسك و اشتري حياتك ...

لو عندك اي استفسار لا تتردد في ان تراسلني علي Andrew.wagdy@yahoo.com 
احب جدا ان اكون اداه اللة لمساعدتك ....