برياني فراخ للشيف : ياسر غريب

2017-05-17 01:16:28


المقادير :

كيلو وراك او دبابيس فراخ
بصلتين وسط  مفرومين
6 فصوص توم مفرومين
طمطمايتين معصورين
3 معالق كبيرة زبادي
3  وحدات فلفل أخضر 
فلفل حراق  ((اختياري))
 ملح
نص معلقة صغيره فلفل أسود
 كوبايه ونص رز بسمتي منقوع عالاقل ساعتين
نص معلقة صغيره كمون
نص معلقة صغيره كزبرة ناشفه
نص معلقة صغيره زعفران
نص معلقة صغيره قرفة ناعمة
  نص معلقة صغيره قرنفل 
5 فصوص حبهان
ميه
اربع معالق زيت

**الطريقة :

 ننقع الوراك او الدبابيس في ميه وملح ولمون ساعتين عالاقل....ونطلعهم نشطفهم كويس 
نحمر البصل في الزيت لمايبقى دهبي ننزل بالتوم نقلب تقليبه ننزل بالفراخ  نقلب تقليبه وننزل بالبهارات ونقلب كويس جداً ونهدي  النار خمس دقايق
نضيف الطماطم ونقلب لحد ماتتكثف  نضف  الزبادي ونص كوباية ميه و نغطى الحله ونسيبها على نار هادية لحد الفراخ ماتستوي
نضيف الرز ونقلبه ونزود كمية ميه تغطي  ، نغطي الحله  ونسيبها لحد الرز مايستوي  .
ممكن ندخل  الفراخ الفرن تاخد لون حسب الرغبه..ونكمل الخطوات بعد مانخرجها 
ونزينها بالفلفل  ونقدمها 
وبالف هنا