طاجن سبيط للشيف : ياسر غريب

2017-05-28 15:27:22


 

المقادير :

 

1 كيلو سبيط مقطع حلقات او مكعبات

معلقة توم مفروم

3 طماطمايات مقطعين مكعبات صغيرة

معلقتين كبار صلصة

حزمة كرفس مقطعة

معلقة كمون

معلقة زعتر ناعم

ربع معلقة فلفل اسود

ملح

ربع كوبايةزيت ...تلت معالق كبيره ومعلقتين لوش الطاجن

بصلة كبيرة مقطعة مكعبات صغيرة

فلفل أخضر والوان مقطع فلفل حار حسب الرغبة وممكن الحار يتحط سليم

 

**الطريقة :

 

في حله نحط الزيت على النار وننزل بالبصل ونشوحه لحد لونه مايبقى دهبي ثم ننزل بالسبيط ونقلبه احد ما يتشوح وينزل ميته ويشرب كل الماء اللى نزلت منه ننزل بالطماطم ونقلبها كويس ونحط الفلفل الأخضر المقطع ونقلبه

نخلط الصلصة مع نص كوباية ميه ونقلبها وننزل بيها على السبيط ونقلب وننزل بالتوم والكمون والفلفل الاسود والزعتر والكرفس والملح ونقلبه كويس اوي ونسيبه لحد مايتسبك

نسخن طاجن فخار في الفرن.....لو مش موجو ممكن صنيع عاديه

نحط السبيط فى الطاجن ونحط وشه معلقتين زيت ونحطه في الفرن يتشرب ويحمر

نخرجه نقدمه وجنبه رز ابيض