استغاثة شاب مقيم بميت عاصم مركز منية النصر بالدكتور احمد الشعراوي

2017-06-01 04:16:27


بقلم.......... محي البدوي
استغاثة الي السيد الوزير / محافظ الدقهلية 
والسيد وكيل وزارة الرى بالدقهلية 
والسيد / رئيس مجلس ومدينة منية النصر 
                 الموضوع 
انا المواطن / ياسر السيد ذراع من مواليد ميت عاصم مركز منية النصر محافظة الدقهلية 
كنت شاب كاى شاب الا اننى ابتلانى الله بسنوات من الضياع والانحراف وسلكت طريق المخدرات والسرقة بالاكراه وسجنت بدل المرة اتنين وتلاته واخر مرة كانت اعتقال وخرجت من الاعتقال سنة 2012 
ثم بدءت اسلك طريق الهداية والحق ومشيت عدل والحمد لله واصبح الكل بعد ان كانوا يبعدون عنى لسوء احوالى اصبح الكل يساعدنى حتى قمت بعمل كشك بميت عاصم أمام البحر الصغير بمساعدة رجال الخير واهالى قريتى ميت عاصم وبدءت بالجواب التى امام حضراتكم والذى اعطى لى من مصلحة السجون الى الشئون الاجتماعية لتوفير فرصة عمل لى فقمت بعمل الكشك واتعمل لى قضية من الرى وذهبت الى القاضى وعندما راى جواب مصالح السجون قام بعمل غرامة ب 50 جنيه وقال لى الوضع على ما هو عليه من سنة 2012 الى الان وانا اعمل بالكشك ابيع به بسكوت وزيت وسكر وحبة بطيخ الخ 
لاتفاجئ اليوم بان المهندسة سحر مهندسة الرى جاية وعايزة تزيل الكشك اقول لها انا معايا جواب من السجون ومن الشئون الاجتماعية الاقيها تقولى لازم تشال وانا على ما اعلم ان القرار بتاع الازالة جى فيه مراعاة الظروف الاجتماعية وانا ربنا هدانى .
أعمل ايه اسرق تانى وارجع للطريق الغلط ولا هتسيبونا نعيش ونصرف على اولدنا وانا غلبان ارحمونا يرحمكم الله نهج من البلد ولا ايه اسالوا اهالى البلد انى غلبان وعايز اعيش .
فهل هتسيبونى اعيش ولا هترمونى فى الشارع تانى واتشرد وتتشرد العائلة معى ؟
ارجو من الجميع الوقوف معى والحفاظ على وعلى اسرتى من التشرد 
اغيثونا أغيثونا أغيثونا




موضوعات ذات صلة