طريقة عمل الاكلير

2017-08-08 20:39:49


متابعة : روان أحمد

المقادير:
3/4 كوب دقيق أبيض
3/4 كأس ماء دافي
ربع كوبايه زبده
معلقه سكر
فانيليا
رشة ملح
ثلاث بيضات


طريقه التحضير :
هنحط المياه والزبده والسكر ورشة الملح في حله على نار هادئة لحد ما الزبده تدوب و المياه تغلي ونشيل الحله من علي النار و هنضيف عليهم الدقيق و احنا بنقلب كويس لمده 5 دقايق لحد ما تكون عجينه و هنسيبها لحد ما تبرد
هنضيف علي العجينه البيض و نقلبهم لحد ما يمتزج البيض بالعجين
هنحط العجينه في كيس للتزيين و هنشكل منها شكل علي حسب رغبتنا ، او ممكن نشكلها بالايدين علي شكل اسطواني
هنسخن الفرن لمده 5 دقايق و بعد كده هندخل الاكلير الفرن لمده 10 دقايق في درجه 220 و بعدين هنقلل الحراره ل 180 و نسيبها لمده 20 دقيقه اخري
هنخرج الاكلير من الفرن و نسيبه لحد ما يبرد و بعد كده هنفتحه من النص و نحشيه بالكاسترد او بالشوكولاته.