الست النكدية

2017-10-01 23:35:19


كتبت _نانيس جنيدي
الخلافات الزوجية
كل بيه بنلاقي فيه دايما خلافات 
ايه اسبابها وايه حلولها وليه دايما الست بتكون متهمة بان هي السبب 
هتكلمنا (جوري مصطفى) عن الموضوع دا

 

نكديه ازاي حضرتك ايوه نكديه ﻻﻻﻻﻻﻻ استني كده من فضلك
ست مين النكديه مفيش ست نكديه في ست مضغوطه في ست المجتمع بيظلمها لانها ست
حضرتك بتتعب بره وبتجيب مستلزمات الحياه واحنا بنتعب جوه بنربي جيل مستقبل بلد تعرف ايه عن المذاكره للوﻻد تعرف ايه عن كميه الواجبات المدرسيه تعرف ايه عن وقت الامتحانات الي اعصابنا فيها بتكون مشدوده تعرف ايه عن حرقه الدم مع المدرسين؟؟؟
البيت تعرف ازاي سريرك دايما نضيف ومتعطر مطبخك كوبيتك طبقك مين بينضف كل داه
قميصك بنطلونك بتلقعه مبقع تلبسه فل
فين الوقت لكل داه البيت والغسيل والطبخ وكمان مذاكره الوﻻد وكمان مين بيودي الدروس !!!!
وتيجي حضرتك في الاخر بمنتهي الامباﻻه وتقول مبتعمليش حاجه قاعده مرتاحه بالبيت ماسكه الزفت طول الوقت 😨😨😨
الزفت اه الزفت ممممممممم
طيب تعالي بقه كده مش حعملك حاجه حفهمك غلطك بس
الزفت داه الي بتصبح فيه علي اصحابها بيردو الصباح مش بيكشرو الزفت داه الي بنضحك فيه وبنهون علي بعض
بتقف معانا حاجات بالمذاكره بالطبيخ بالتنضيف بنلاقي الي يرد ويساعدنا
اةةةةة نسيت اقولك
تخيل اما بنبقه مخنوقين ومضغوطين بيسمعونا ويطبطبو علينا
وتيحي حضرتك تقول نكديه نكديه ازاي
انت دورك في حياه الست مش ممول فقط يا استاذ
انت السند والضهر والصدر الحنين انت الي الست بتتحامي فيه من غدر الزمن بلاش تبقه قاسي في رائيك
اخدتها من حضن ابوها لحضنك خليك قد الخطوه دي
حضرتك بتنزل تكركر علي القهوه مع اصحابك وترجع البيت ﻻبس الوش الخشب ليةةةةةة
اعتبرها صاحب اعتبرها بنتك داه الرسول وصي عليها
انت كمان نكدي رايح جاي تجعر بالبيت علي اتفهه الاسباب ليه ها ليه ليةةةةةةة
عشان راجل وبتشتغل وعندك مسؤليات و..و..و..و.. والست كمان بتشتغل جوه بيتها
تخيل لو يوم منضفتش لو يوم مطبختش لو يوم مذاكرتش يووووووم واحد حيفرق كتير اووووي
استني سمعاك بتقول فرض عليها ﻻاااااا
الشرع مفرضتش انها تخدمك ﻻﻻﻻﻻ متكشرش اسئل وانت تعرف
الخلاصه

يك حقوق وواجبات وهي كمان ليها حقوق حقوق حقوق وواجبات
اسقي زهرتك عشان تزهزه وتتفتح وتملي البيت عطر ريحته حلوه
الست مش نكديه الست محتاجه مراعيه




موضوعات ذات صلة