يجمعنا الوطن الكبير : بقلم ربا عبد اللطيف الشربيني

2018-11-03 03:01:21


ربا عبد اللطيف الشربيني

 

(لو كانوا مسلمين)

كانوا رمموا المواجع
كانوا وقفوا لكل طامع
كانوا عمروا الجوامع
ويشهد الرب اللي سامع

دينا دين رحمة وخير
دين سلام دين ضمير
بالمحبة الناس تسير
يجمعنا الوطن الكبير

الرسول قال الأمان
للمسيحي بينا مكان
أصله له رحم وذمة
دي الوصية من زمان

السلام يا أهل السلام
ليه تقتلوا الخالي حرام
دم اللي مات عالي المقام
ودمنا مساويه تمام

الرسول وصانا بيهم
أوعوا يوم تيجوا عليهم
أرضنا لينا وليهم
ليه مليتوا دموع عنيهم

فاكرين ان أنتم مننا 
وأنتم خوارج عصرنا
عاملين شيوخ وأنتم مسوخ
هتروحوا فين من ربنا

بتحسبوا أنكم محسنين
لكنكم أنتم الأخسرين
خسرانين دنيا ودين
غضبان عليكم رب العالمين

يا مسيحي حقك عندنا
دمك غالي علينا كلنا
وعيسي نبيك ومحمد نبينا
يارب سلم واحفظ أرضنا