عشر معلومات لا تعرفها عن سر شارع ”النبي دانيال”

2018-12-06 16:43:32


كتب / محمد حموده

1-هو شارع من أقدم واطول شوارع الاسكندرية هو واحد من الشارعين الرئيسين في تخطيط الاسكندرية القديمة

2 -الشارع بيمتد حديثا من محطة الرمل ل محطة مصر، كان معروف في العصر اليوناني باسم " الكاردو دي كومناس " وكان للشارع بوابتين، بوابة الشمال " بوابة القمر "، وبوابة الجنوب "بوابة الشمس "

3-الشارع اتشهر بعد ذلك بأسم النبي " دانيال " وده نسبة لمقام المسجد الموجود في أول الشارع من محطة مصر

4- النبي "دانيال "، هو أحد انبياء بني اسرائيل اللي بيرجع وجوده تقربيا للقرن ال 6 ق.م ويقال انه جاء للاسكندرية ودفن في المقام اللي موجود تحت المسجد بحوالي 5 مترا، لكن لا يوجد كلام لصحة هذا الكلام،  لأن النبي دانيال مات قبل بناء الاسكندرية بحوالي 3 قرون. 

5- سبب تسمية طيب الضريح بهذا الأسم ، الضريح ده أحد شيوخ المذهب الشافعي هو الشيخ " محمد "دانيال " الموصلي " جاء إلي الاسكندرية في القرن ال 8 وعاش فيها وبدا يدرس فيها علوم الفقه وتوفي بعد ذلك وتم دفنه في المسجد، ومن هنا جاء الخلط بين الاسمين وتسمية الشارع. 

6- ارتبطت بالشارع كتير من القصص والاشاعات والروايات واشهرهم العروسة التي ذهبت مع خطيبها وأرض الشارع اتشقت وبلعتها ومالقيوهاش، وانتشر ان السبب وراء ذلك هو لعنة الاسكندر ومقبرته، وربما يكون حقيقه. 

7-لكن لا دليل لصحة هذا الكلام  والسبب في ان الارض انشقت او غارت هو ان فيه "سراديب" موجود تحت الشارع. 

8- سراديب ; وهي من ناحية محطة مصر وهو داخل الشارع علي ايده الشمال هيلاقي مسجد تاني اسمه مسجد " عبد الرازق الوفائي " شيخ المتصوفين، جنب المسجد فيه ارض فاضية "بنشوفها واحنا ماشين " عبارة عن حفرة كبيرة جدا وفيها عمود رخام اهو ده واحد من السراديب اللي اكتشفت والسراديب دي ممتدة بطول الشارع. 

9-السراديب دي كانت عبارة عن انفاق كبيرة بترجع للعصر الروماني كانت متصلة ببعضها وكانت مخصصة لهروب الامبراطور لو حصل ثورات من اهل الاسكندرية وبعضها كان موصل لغاية البحر، المقريزي قال عن الانفاق دي في وصفها " يسير فيها الفارس ممتطيا جواده و رافع سيفه " وان ارتفاعها حوالي 3 متر. 

10- الانفاق دي ارتفاعها حوالي 3 متر بعد العمق ده بحوالي 6 متر تقريبا فيها بقايا صهاريج للمياه وبعض اجزاء للمقبرة الملكية اللي بتمد من تقاطع شارع فؤاد مع النبي دانيال الي كوم الدكة، يعني في عمق حوالي 12 متر وأكتر وهو ده اللي مخلي الارض في المنطقة دي رخوة وتربتها متخلخلة ولذلك الارض بتغور كل فترة. 

أهمية شارع النبي دانيال مش بسبب انه أقدم شوارع الاسكندرية ولا انه عايم علي بحر من الاثار اللي منها أكتشف ومنها لأ الأهمية اكبر واعمق من كدة بكتير، أهميته انه باقي وصامد وقادر يجمع في قلبه حضارات واديان اتعاشت وبتتعاش، حتي بايعين الكتب اختاروا النبي دانيال مكان لهم وكأنهم بيصدقوا علي انه مش مجرد شارع ده تاريخ بيكتب نفسه كله يوم. 




موضوعات ذات صلة