" متمرد " كلمات للشاعرة .. شيماء دياب

2019-06-11 23:27:16


متمرد  .. شيماء دياب

متمرد 

كل الى حواليا بينتقدونى
 ولكني برضو قادر اصمد 

متمرد 

على الدنيا الى معندانى
 ومش قادر اسكت 

متمرد 

لكن بطبعى مش انانى
 ولا حتى بيتعقد 
 
متمرد 

وبثور ع الإحباط والحقد  
وبسأل دايما،،
ليه الناس قاصده تحطم فينا الامل ؟ 

ايه العمل ؟ 
متمرد !! 
متمرد ع التعليم الى اتظلم ! 
متمرد ع الحلم الى اتهدم ! 
متمرد ع الضمير الى اتعدم ! 
متمرد ع كل الأحوال الى خلتنا نتهزم ! 
نتهزم من نفسنا !
نتهزم من اهلنا !
نتهزم من جونا !
ف جوله خسرانه ،،
كنا فيها متعاهدين ..
لو موتنا نموت كسبانين ،،
الجوله كانت بين اتنين 
 الواقع والحلم ،،

الواقع : مستحيل حلمك يتحقق !
الحلم : هجتهد لجل  الحلم ما يتحقق !!

الجوله بين خصمين **
 متمرد انت على مين ؟
على الواقع الحزين؟ 
ولا على نفسك؟ وحلمك؟ 
ولا على الاتنين ؟
متمرد لكنى مسيرى هوصل ،،
لحلمى وكمان هكمل ،،
مشوارى لسه طويل ،،
لكنى مسيرى هوصل… 
حياتى مليانه تفائل ؛
مراهن بيها انى احقق 
ولو جزء بسيط من حلمى،، 

متمرد

لكنى طموح والامل دا حياه للروح ،،
ومش زعلان خالص إن الى حواليا 
مُنتقدنى …
مسيرى هثبت يوم،،
 إن طول ما  أنت مصدق حلمك
 مسيره يوم يكمل،،
ومش هيأس ومش همل ،،
عارف إنه  طريق هيطول !!
بس النجاح محتاج صبر عشان توصل ،،

ومتمرد ،،




موضوعات ذات صلة