ممنوع..ممنوع ....حروف /مايسة إمام

2019-06-19 17:44:02


ممنوع .. ممنوع
**************
ممنوع من الكلام
ممنوع من الحكى
ممنوع أنا من الضحك
ممنوع من البكا
مسموح أقول لنفسي
إوعي تشتكى 
محروم من الآمال 
دي ضرب من الأحلام
والحالة مِفَسْتِكَة 
ممنوع أقول  لي حق
والصرخة تِمْلَي الْبُوءْ
لا عَدْلْ ولا إبرام 
ممنوع أنا  من الآاااه
ويقولوا ....دي لَكْلَكَة 
ممنوع من الإحترام
مأمور بالإلتزام
مسموح بس أطاطي
من كتر الشكشكة
ممنوع أَبُصْ لفوق 
وأقول  أنا مخلوق
زي بقية،  البشر
مش خِرْقَة مبعككة 
ممنوع من الإطراء
محروم من الثناء
ممسوخ انا مش فارس
ولا  أد المعركة
مقطوع اللسان 
معدوم البيان 
وحتي غُلْبَي قالوا 
علية سَلْبَطَة 
وقالوا من التماسيح
وقالوا من الحيتان 
نَاهِشْ جيوب الخلق
وِشُغْلُه فَبْرَكَه
ييجوا صحيح يشوفوا 
جيوبي   مفَرْتِكَة
لا بقيت أنا رسول
للعلم ولا في أصول 
بقيت الْمَلَّوَانِي 
وسط الهنود يقول
أبناااااائي الطلبة 
أنابينكم  أنتيكة
ماهي بقت عكعكة 
++++++++++++
مايسة إمام