حق الشهيد للكاتب الأديب اللواء : أبو المجد البحيرى

2019-06-27 10:39:32


#حق_الشهيد

مين يقول إن إنت تمرض او تموت
مين يقول إن انت واخد ع السكوت
مين يقول إن الكلاب فى الغاب بتكبر ع الأسود
أو حتى كلب الجار  هينبح أو هيتعَدّى الحدود
يا وطن هنجيب بتارك
ياوطن عاوزين قرارك
قيد نيرانك فى الكلاب
حُطّ ديب ورا كل باب
ياوطن قسماً بربي راح يعود حق إللى غاب
..............................
كل الدعاء المستجاب لأم الشهيد فى السما بيقيد
و كل ما يصعد شهيد بطن الوطن حبلانه  بالعناقيد
               لكن
لحد امتى ياعمنا كل الشباب بتضيع
ولحد امتى ياعمنا  هندادى فى الجرابيع
ولحد امتى تبتسم لناس خناجر فى الضلوع
حق الشهيد واجب عليك ياعمنا ما تخش فى الموضوع
كل الدموع ما تجف تنفتح  الجراح
دى ناس ما تعرفش السلام ولا قيمة الدم إللى راح
لما مات إللى ما ماتش وروحه فوق كفّه عشانها
ولا شال ف يوم حته سلاح ولا حتى عارف ايه نشانها
ولا غنّىَ يوم ف حبها اناشيد..
قالوا عليه ع الفيس ..شهيد
إزاي تقارن اللى كاتب اسمه والموت فى استماره
مع اللى عاش العمر زي الدود بيتخبى  فى حجاره
قالوا ايه دا عليه دا قالوا وقالوا ايه
طب بعد ايه
طب فاضل ايه
طب مستنى ايه
 الفيس مولّع من يومين
كلها بوستات بتشبه بعضها ..قال مظلومين
واما ماتوا شبابنا تانى فى الميدان
قفلوا البيبان
ولا حتى واحد قال فى سطر يتيم حرام
ياعمنا بعد السلام
قصر الكلام
حق الشهيد فى رقابنا دين واحنا بنِنده كُلّنا
إقطع إيدين اللى خانوه  
شيل الوَِسَخ من وسطنا
#ابوالمجدالبحيرىبياع_الفل




موضوعات ذات صلة