مربي اجيال برتبة بطل

2019-07-17 15:34:09


 

بقلم / هبه المنزلاوي 

سمعت صوت أجيال

بتحكي عن أبطال

مشيت ورا الأصوات

وعرفت م الأيام

مين بطل الحكايات

سألت عنه كتير

وعرفت إنه أصيل

مربي أجيال بقلب حرير

إنسان شريف بروح ورديه

ضمير صامد قصاد الريح

وكل جيل ف قلبه غنوه

بيرددها ف كل حته

ينبوع العلم قصه

م الصغير للكبير يحكي عنها

وكل الأجيال تقولها

و شوفنا الفرحة ف عنيهم

والضحكه ماليه أراضيهم

ده بطل نور أحلامهم

وزين بعلمه أيامهم

وزرع فيهم آمالهم

وساب بصمته ف قلوبهم

قدم كتير ولا القليل

ينبوعنا ده كله خير

وإنسان بجهده عظيم

منور حياتنا بكل جميل

ومهما كترت الأقاويل

ينبوعنا أحلي من أي أمير

فارس عقولنا وسلطان قلوبنا

فخر بلادي ومربي ولادي

وأجمل إنسان في عيونا




موضوعات ذات صلة