ميت على أيد حبيبه .. خاطرة للكاتبه نجوى الضوي

2019-07-19 23:58:49


نجوى الضوي .. ميت علي أيد حبيبه

الغريق بيفضل يعافر ويحس أنه قادر ينجي .. وأنه بينه وبين الحياة خيط لازم يمسك فيه .. وروحه تتسحب منه فيتنفس اكتر عشان يلحقها وتزيد دقات قلبه.. وعنيه تدور ف كل اللي حواليه علي امل يلاقي حبل النجاة ..ويمر الوقت وينازع وميبقاش قادر يستسلم ويعاند الظروف .. ويواجه الموت ويقوله مش هتقدر تاخد روحي مني انا لسه عندي حجات كتير معملتهاش . . انا مش قادر اسلم روحي بسهولة ليك وكل الاماني والأحلام اللي بنيتها والوعود اللي فاتت ازاي اسيبها ... ويعاند مع الموت ويستني الايد اللي هتنجيه وتكونله حبل النجاة وفجأة بيلاقي الايد اللي مستنيها تلحقه وترجعله روحه اللي بتروح منه هي نفس الايد اللي بتبيع روحه للموت .. فيتصدم ويبقي مش قادر يعافر مش عشان مش قادر...   لأ هو بس مش فارقة معاه روحه لأنها اتباعت علي ايد اللي فكرهم روحه ...فيسيب روحه ويقولها اختاري حريتك من جسمي اللي معرفش يحافظ عليكي واللي اذاكي كتير يوم ما هانت عليهم دموعك وصبرك عليهم وانك سامحتيهم ... روحي يا روحي لحبيبك اللي هو نجاتك من الحياة دي ... الموت هو راحتك ... وتبتدي روحه تتسحب بهدوء منه .. وعنيه الدموع ماليها وقلبه حاسس بانه ارتاح ..ويموت ويبقي اسم بيفتكروه مع كل حدوتة عن غدر الدنيا والاهل والاصحاب والاحباب وبعدين بيتنسي مع الايام ....




موضوعات ذات صلة