اسمعني ...حروف / محمد علي

2019-09-21 00:49:44


فيها إيه لو نسمع بعض 
فيها إيه لو نصدق وعد 
فيها إيه لو كلمة نقولها 
تقرب من كان على بعد 
قال يعنى إيه اللى هيجرا 
فى يوم لو نسمع بعض 
فيها إيه لو كل أيامنا
نملاها محبة وسعادة
ونعيش ع الحلوة والمرة
ونخلى الحلو بزيادة
إيه يعنى هيجرا يا سادة
فيها إيه لو نبقى ع العشرة
ونصون العيش والملح
ونقيد صوابعنا العشرة 
لأحبابنا وأهالينا ولبعض 
وإن قولنا نقول الكلمة 
فتقرب من كان على بعد
فيها إيه لو نصدق وعد
وما نخالف ضمايرنا أبدا
ولساننا وقلبنا يتمشوا
فى طريقهم دايما مع بعض 
فاسمعها نصيحة واحفظها 
وحطها حلقة فى ودانك 
الكلمة بتودى فى داهية 
وان صونت لسانك هيصونك
وختاما :
اسمعنى تملى وعيش صاحب
وإن خونتك انسى اللى أنا
قولته
ولو جات سيرتى قدامك
قول ده أرذل واحد 
شوفته
#اسمعنى
#محمد_على