طريقه عمل شوربة القلقاس بالخضره زى زمان بس من مطبخ الشيف امانى فوزى

2019-10-01 23:18:50


مدة التحضير30دقيقه
مدة الطهى 50دقيقه
المقادير
شوربة فراخ او لحمه
1كيلو قلقاس
ربطة كوزبره وشبت تسلق
كوزبره ناعمه وملح وفلفل اسمر
ملعقه صغيره سكر
1/2راس توم كبيره متقشره
ملعقه توم مهروسه
سمن بلدى مع زيت
مقادير الارز
1/2كيلو أرز مصرى
زيت وسمن بلدى
ملح ومستكه
1/2كوب لبن
الطريقه
اولا القلقاس
ملحوظه مهمه لما اشترى القلقاس مهما يكون وزنه لازم يكون ثمره واحده وكبيره
ولاداعى اشترى الصغير لأن الكبير بيستوى بسرعه أما الصغير لا يمكن سويه
ثانيا تعالى اقولك اعملى شوربة القلقاس بالخضره
اقطع القلقاس اولا إلى مكعبات صغيره وفى مستوى واحد علشان يستوى بسرعه
ثم اغسله بميه سخنه ثم أضعه فىحله وعليها ميه واسلقه حتى يبدأ يدخل فى السوى ارفعه من على النار وتصفيه فىمصفاه ثم اجعله تحت حنفية الميه مباشرة عليه وأغسله كويس حدا
ثانيا الشوربه تكون على النار بالغليان ثم اضع فيها ملعقه صغيره سكر ورشة كوزبره ناعمه ثم اقطع الكزبره والشبت فيها ثم اضع القلقاس واجعله يكمل سويه
اكون انا تقطعت السلق ووضعته فى طاسه على النار مع سمن بلدى وزيت وبالتقليب
حتى يتحمر لونه ويشرب ميته ثم اضع فصوص التوم معه حتى يتحمر ثم بعدها ابدأ اهرسه السلق والتوم بعدتحميرهم ويتحول لونهم إلى اللون الغامق بس اوعى يتحرق
اهرسهم بهراسة البطاطس ثم بعدها أضعه على شوربة القلقاس ثم ارجع احمر ملعقه من التوم المهروس بالكوزبره الناعمه وانزل تانى على شوربة القلقاس ثم تغطى الحله
واتركيها ربع ساعه يخلط الجميع بالغليان على النار ثم اغرفه وبجواره الارز بالمستكه

طريقة الارز بالمستكه بعد غسيل الارز أضعه فى حله ثم اضع الماء والسمن البلدى والزيت والمستكه ونص كوب اللبن والملح وأقلب وتتركه على النار حتى يطهى
ثم اغرفه واضعه بحوار شوربة القلقاس