دور ع الفرحة جواك ..بقلم . محمد مبارك

2019-11-21 02:17:05


(دور ع الفرحه جواك)

بقلم "محمد مبارك"

دور ع الفرحه جواك

دور فى البشر مابين السطور وفـ العنوان

عارفين كلنا تقريباً شبه بعض

من جوه بس اللى بيفرق مابينا

هو التفكير العام هو التربيه

والأخلاق فيه حاجات كده مش بتبــان

جوانا " رسومات بالألوان "

خطوط عريضه على الجدران

تلاقيها فـ قلبك وفــ عقلك كمان

جوانا لهفه وأمل فـ بكره

شوق مستنى الأحلام

عصفوره عايشة على أمل النسيان

وهناك خُضرا وحكايات حلوه من بتوع زمان

جوانا صفاء وموده ضحكه هاديه

زى نور الصبحيه تمام

جوانا بجد إنسان

نفسه يلقى براااح فـ كل مكان

فـ عيونه حتى فـ ملامحه

على جبينه اللى قاسى حرمان

جوانا شقاوه عيال نستخبى بيها من وجع الزمان

عارفين ؟ إيه أكتر حاجه جوانا بجد

جوانا " الحُب " مستنى بس الأمان




موضوعات ذات صلة