ضرب نار ...بقلم . سامح توكل أبو السبح

2019-11-22 01:32:29


ضرب نار

=====

لما تشوف الدنيا معانده

ماشيه معاك عكس التيار

 

حاول تبعت كارت معايده

كله ورود حب وأشعار

 

قول للدنيا بلاها مناهده

ياللا نخلى الكون دا نهار

 

تلقى شموعك دايما قايده

والفرح يلالى فى الدار

 

والله ياصاحبى مامنهاش فايده

عيشها فرح ومرح وهزار

 

إنسى الدنيا تجيلك رايده

وبتغريك دقا لك زار

 

إسمع ثومه وفايزه وورده

دندن واعزف ع الأوتار

 

حب ياعم بلاها مزايده

وازرع جنه ورود أزهار

 

لو هتقابل غل مكايده

قابله بحب هتلقى عمار

 

إفطر حب خفيف ع المعده

واتغدى سيفود أوكافيار

 

واحضن أحلامك فى مخده

خلى الحب مشعلل نار

 

عش غرامك فل وورده

حاضنه الحلم بكل فخار

 

بكره هتتعدل لوتهدى

وتجيلك أحلى الأخبار

 

والعصافير هتجيلك شاهده

وياحمام يضرب لك نار

=====

بقلمى سامح توكل أبوالسبح