مش عارف احب خطيبتى زى الاول

2016-03-23 05:58:16


انا دكتور وكان نفسى اتجوز دكتوره ولظروف بلدى انى ساكن فى قريه واى دكتوره مش هتحب سكن الارياف صرفت نظر عن موضوع الدكتوره ده واتقدمت لواحده كليه دراسات اسلاميه جميله وارتحتلها خالص وقبل الشبكه باسبوع صارحتنى انها كانت بحب واحد ومتعلقه بيه جامد وهى سابته عشان كان تاعبها ومش مرتاحه معاه بس بتحبه ولما سابته وانا اتقدمتلها هو ندم وحاول يوصلها بكل الطرق وهى رفضت وكملت معايا بس انا كنت مبسوط فى الاول وبعد شهر من الخطوبه وانا مش مرتاح نفسيا ومش عاوز اكمل وهى مبسوطه خالص ومش عاوز اجرحها تانى نفسى احبها بس مش عارف اكمل ولا اسيبها ولا اعمل اى والفرح بعد 4 شهور ومحتار

صديقنا العزيز 

بالنسبة لمسأله ان حضرتك كنت بتحلم تتجوز دكتورة … طبعا ده من حقك بس مع احترامي الشديد لحضرتك

الزواج وشريكة الحياه مش شهادة ولا مؤهل …. حضرتك بتتجوز روح انسانة …. كيان متكامل … مشاعر واحساس مش شهاده ابداً

لو حبيت الروح وحسيت انك مش هتقدر تتخلي عن حبك للروح دي يببقي في وجود طبعا مستوي من التقارب الثقافي والاجتماعي موضوع  انها تكون دكتورة هيكون موضوع ثانوي بالنسبة لأحتياجاتك

لكن لو محبتهاش ومش متقبلها يبقي لازم متظلمش نفسك أو تظلم البنت معاك … صارحها باللي جواك بس قبل ما تقدم على الخطوة دي لازم تفكر بعمق في ابعادها وتتأكد من مشاعرك فى البداية

اخي الكريم انت الوحيد اللي تقدر تحدد هل هتقدر تكمل فى العلاقة دي ولا لأ ؟

هل فعلا من جواك تفخر وترغب أنها تكون شريكة حياتك …. أم ابنائك …. رفقية عمرك ولا لأ ؟؟

التساؤلات دي لازم تتعمق في التفكير فيها كتير جدا قبل ما تتخذ اي قرار تندم عليه في المستقبل