بعد أن افقدتها عذريتها … خايف اصارح اهلي بالحقيقة

2016-03-23 06:02:16


وذهبت وطلبتها من اهلها وحصل رفض منهم كررت الطلب تانى واترفضت تانى ذهبت بها لدكتورة لاجهاضها وحصل فعلا الاجهاض بعملية مش بدواء وكحت وتنظيف وعشت معاها بعدها عادى وكنت بعاملها معاملة الازواج كلمت اقارب لينا احنا الاتنين لاقناع اهلها وتم ايضا الرفض طلبتها من اهلها اربع مرات ونفس النتيجة قلت لها انا تعبت من الحرام واحنا وقعنا فى معصية كبيرة ولازم نشوف حل شورت عليها انها تصارح امها رفضت لان اهلها ناس صعبة جدا وومكن يعملوا فيها حاجة لو قالت لهم وخافت تقولهم لانها شخصية جبانة جدا من اهلها المهم اخدتها وذهبت بها لطبيبة نسا لاجراء عملية ترقيع الدكتورة قالت مش هينفع لانها اجهضت بعملية وحصل كحت بعدها انا اصلا كنت رافض موضوع العملية ده لانى تبت فعلا والله يعلم ما فى الصدور ورافض موضوع التدليس والغش المهم انفصلت عنها لانى زهقت من الحرام حوالى سنة بعد كدة رجعت تتكلم معايا تانى وانا اصلا بحبها رجعت اتكلم معاها تانى بس محصلش اى تجاوزات عرضت عليها الحلال تانى وانها تصارح امها خافت استشرت طبيبة نفسية وقالت لى خليك جامد معاها ولو حتى هتهددها انت بتهددها كدة عشان مصلحتها المهم فعلا تكلمت معاها وقلت لها لو مقلتيش لامك انا هقول لها وابقى انكرى كلامى وقولى محصلش وخافى اووى منهم عشان هشتكيكى فى النيابة واقول انك كنتى مراتى بعقد عرفى وسرقتى العقد منى واجهضتى نفسك عند الطبيبة بدون علمى وهطلب الطبيب الشرعى يكشف عليكى خافت جدا منى وقعدت تتراجى انى مفضحهاش ومعملش مشاكل قلت لها يا كدة يا تقولى لاهلك المهم قلت لها انا هسيبك تفكرى اسبوع وتبلغينى قراراك انا بحبها وعاوزها بس فى الحلال وضميرى بيانبنى جدا وخايف من قطع صلة الرحم لو اتجوزت واتفضحت وهكون انا كمان شفت حالى مش هينفع ارجع لها وخايف اقول لخالتى واصارحها برضوا صلة رحمى تنقطع انا مشتت ومش عارف اتصرف والا اعمل ايه افيدونى افادكم الله؟

صديقنا العزيز

أرجح ايضا رأي الطبيبة النفسية بأن تكون حازم فى قرارك لمصارحة الاهل مهما كان رد الفعل

في النهاية لا يصح إلا الصحيح …. يجب ان تتصحح هذه العلاقة وان تسير فى المسار الطبيعي والشرعي لها ولن يقف أحد امامك في تصحيح هذا الخطأ

في النهاية المصلحة العامة تحتم ان يتم هذا الزواج

فلا تتردد في ان تكمل ما بدأتة واستجمع شجاعتك وصحح هذا الوضع لصالح الجميع