طريقة عمل الفطيرة التركية الشهية

2020-01-15 22:17:33


طريقة عمل الفطيرة التركية الشهية
المقادير :
كوب لبن دافئ
2كوب دقيق
ربع كوب زيت
معلقة كبيرة لبن بودر
معلقة كبيرة خميرة
معلقة كبيرة سكر
ربع معلقة صغيرة ملح

الطريقة ,,
نضع اللبن الدافئ وعليه الخميرة والسكر واللبن البودر وتقبلهم كويس نسيبهم خمس دقايق و وبعدين ننزل عليه بالدقيق والزيت والملح ونعجن كويس لمدة 7دقايق لحد ما العجينة تلم وتبقى كويسة وبعدين نغطيها ونسيبها فى مكان دافئ لمدة ساعة لحد لما تخمر
وبعدين نفرد العجينة بشوية دقيق وتقسيمها نصفين
تدهن صينية زيت ونفر الجزء الاول من العجينة وبعدين نحط الحشو اللى احنا عايزين انا استخدمت حشو الفراخ شرائح فراخ تبلتها ببصل وملح وفلفل وبابريكا
فى طاسة على النار حطيت زيت وشوحت فيه قطع الفراخ المتبلة وعليها شرائح فلفل اخضر وقطع طماطم وحشيت بيها الفطيرة مع الجبنة الموتزريلا الجزء التانى من العجينة غطيت بيه الحشو ودهنت وش العجينة بالبيض ورشيت جبنة موتزرييلا على الوش وحبة البركة التسوية ،،
فى فرن ساخن مسبقا ندخل الفطيرة على الرف الاوسط على درجة حرارة 180لمدة من 30دقيقة ل 45دقيقة حسب تسوية الفرن بتاعك
وبعدين نطفة الفرن ومشغل الشواية على وش الفطيرة لمدة 5دقايق وبالهنا والشفا

ادعمنا ب 10 ملصقات ليصلك باقي الوصفات 🌺⁦🏵️🥀

ربما تحتوي الصورة على: ‏‏طعام‏‏