طريقه عمل السجق الشرقي مقدمه من شيف :فاتن فريد

2020-01-17 17:13:56


لطريقه

كيلو سجق
2طماطم مقطعه صغيره 🍅🍅
3فلفل رومي مقطع صغير وممكن فلفل حامي
2بصله مقطعه شرايح
توم مفروم فلفل اسود وملح وكمون وبهارات لحمه
اول حاجه نضع السجق في ميه مغليه لمده 5دقايق عشان نخفف شويه من الدهون اللي فيه وبعد كده نصفي السجق من الميه
نجيب طاسه فيها معلقتين زيت وانزل بالتوم المفروم واول ما يبقي لونه دهبي انزل بالسجق واشوحه تشوحيتين كويس مع التوم ياخد لون حلو انزل بالبصل واكمل تشوح لحد ما البصل يدبل انزل بالفلفل والطماطم واقلب تقلبتين مع البهارات والملح والفلفل ودقيقتين وانزل بفصين توم مفروم ومعلقتين كاتشب ودي بقي بتخلي الطعم تحفه دقيقتين بالضبط وتطفي النار وبالهنا علي قلوبكم

ربما تحتوي الصورة على: ‏‏طعام‏‏