حبيبي وقف الساعة ...حروف . نهلة الديب

2020-01-20 03:49:53


حبيبي وقّف الساعة
...........
من فضلك سيبني حبة
جوا حضنك أستخابا
م الخوف اللي ماليني
وبُعادك عايشه غربة

هات إيديك ويا إيدي
والكف يدفي كفي
وبلمسة حب منك
إحساسنا يزيد بهمسي

من غير كلام سمعتك
بتقول أحلى الكلام
نظرات ما بينا طالت
وقلوب دابت هيام

خبيني بحضن قلبك
سمعني نبضته
خليني أقول بحبك
إخطفني لدنيته

تعرف حبيبي ليه
نزلت دموع عينيه
وقت الوداع قرب
وبُعادنا صعب عليا

حبيبي وقّف الساعة
أنا مش عاوزه أسيب حضنك
أنا بتستحلفك بالله
ما نتفارق
 ويخلص عمري وأنا جنبك
.......
نهلة الديب




موضوعات ذات صلة