أفضل الماسكات للوجه واليدين متابعة /مرفت شحاتة

2020-01-25 14:41:23


أول ماسك :

معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد

الماسك الثانى :
برغم انة بسيط جدا الا انة نتيجتة رائعة معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الدافب ثم البارد

الماسك الثالت :
نصف علبة زبادى بايت وندوب فيه قرص اسبرين بعد طحنه بيستخدم فى اكبر مراكز التجميل نفرده نصف ساعة ونشطفه بنفس الطرق السابقة

الماسك الرابع :
2
معلقة بودرة جونسون لاطفال ومعلقة مية ورد ومعلقة لبن الماسك دة غير انه بيبيض كمان بينور وينعم وبيدى ريحة ونفرده نصف ساعة ونشطفه بنفس الطريقة

الماسك الخامس :
1
بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة

الماسك السادس :
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

الماسك السابع :
معلقة نشا ومعلقة زبادى بايت ونص عصير لمونة ونص معلقة زيت زيتون ونحطه 20 دقيقة ونشطفه بنفس الطريقة

الماسك الثامن :
معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك للجسم واى منطقة غامقة نصف ساعة ونشطفه بنفس الطريقة

الماسك التاسع :
خيارة ومعلقتين نشا ونص كوب مية ورد وضرب فى الخلاط ونفرده على الوجة والرقبة نصف ساعة ونشطف بنفس الطريقة

الماسك العاشر :
3
ملاعق لوز مطحون نجيب اللوز وننقعة لغاية ماالقشرة تتحاش ونتركه ينشف ثم طحنه ونعجنه بلبن ونحطة نصف ساعة وبعدين نشطفة بنفس الطريقة بيستخدمه اجمل نجوم السينما الامريكية

الماسك الحادي عشر :
ماسك سايل بشر 3 خيارات وعصرهم وتصفية العصير ونحطة فى زجاجة وكل يوم بالليل ندهن الوجة بقطنة ونشطفة الصبح دة بقى الماسك بتاعى من سنتين كلة بيقولى بتستخدمى اية على فكرة بيقعد فى التلاجة عادى ونرجة قبل كل استعمال
واخيرا في خلطه للوجه النحيف المجهد حلوه استخدميها قبل ما أتحطي ميك اب إذا رايحه مناسبه تعطي للوجه صحه :

4
ملاعق من الزبادي
وملعقه عسل
ملعقة خميره
ملعقة نشاء

تقلب وتدهن بها الوجه لمدة 45 دقيقة او ساعة وتشطف بماء فاتر

طريقة اخرى
خميرة فورية
ماء ورد
ماسك يومي مدته ربع ساعة
ويغسل بماء الورد

 

 

 

 

 




موضوعات ذات صلة