صارحني .. حروف للشاعره " أحلام إبراهيم "

2020-04-07 22:21:34


صارحني 

حسه بشعور... خلاني أغير
حساه ومش.... هصبر كتير
أنا قلبي كان راضي بعذابك
تظلمني ليه.. وقلبي بغيابك
مين اللي ......دق بقلبه بابك 
صارحني.... لو عندك ضمير.

أنا حبيت.. الحب عشانك 
متخيلتش...... حد مكانك
قولها وعارفة إن بإمكانك
تثبت لي إن مفيش تغيير.

احساسي عمره في يوم ما خدعني
دايما يقوللي...... في يوم هتبيعني
إحساسي .........بالإحساس ضيعني
وضاع معاه حلمي الكبير.

فجأة ولقيته............ نده عليا 
رديت وخوفي....... زاد شوية 
كان جاي يقابلني يطلب ايديا 
رميت أنا... الإحساس في بير.

احلام ابراهيم....شعر غنائي