بدون تجريح بقلم سعيد عرفه

2020-04-07 23:28:23


🌟 بدون تجريح 🌟
شعر/ سعيد عرفه 

بدون تأنيب بدون تجريح
أنا قلبى واضح وصريح
لا عمره يميل ولا عمره يبيع
قلبى مش لعبه فى أيد الريح
يجيبه شمال يجيبه يمين
زى العصفور راكب مراجيح
الروح فى هواك تعشق دنياك 
وتبيع الدنيا علشان لقياك 
يا ريت تعشقنى عشق صحيح
وتملى حياتى غنا وصداح
وتعيش معايا فى دنيا براح
انا قلبى مال بأطلب بجمال
سنين وانا عايش وحيد سواح
طب قرب قول أنا لك علطول
ببعد وبقرب مطرح مطروح 
ليه شاغل فكرى وشاغل البال
انا قلبى بيبكى بشوق ونواح
فى بعادك عنى عندى سؤال
بتفكر فيا وترجوا سماح
وتسبنى أضيع وأغرق فى بحور
الشوق لوام يملانى جراح




موضوعات ذات صلة