اسم الوصفه محشي الفلفل باللحمه المفرومه

2020-05-09 00:02:43


 
مقدم من شيف فاتن فريد

 مده التحضير ١٥دقايق
مده الطهي ٢٠دقيقه  
المقادير
نصف كيلو فلفل رومي حجم متوسط يصلح للحشو 
٢كوب ارز
ربع كيلو لحمه مفرومه
٢ بصله كبيره مفرومه
معلقة توم مفروم
٢طماطم مكعبات صغيره
ملح وفلفل ومعلقة صغيره  وبهارات سبعه
٢معلقه كبيره صلصه
بقدونس وكزبره وشبت
للتسويه
كوب شوربه 

الطريقه
في حله عالنار هانحط معلقتين سمنه وزيت ننزل البصله تتشوح مع البهارات والفلفل الاسود لغايه ماتدبل نحط التوم ولما ريحته تطلع ننزل اللحمه المفرومه تتعصج كويس نضيف الصلصه والطماطم ونقلب لحد ماتتسبك
نضيف الارز والخضره ونقلبهم كويس جدا نرفعه من النار
بالسكينه هانشيل جزء الفلفل اللي فوق وننضف الفلفل من جوه 
نتبله بقليل من الملح والفلفل
نحشي وحدات الفلفل بالارز ونسيب حوالي ١سم من غير حشو
ونرص الفلفل في حله  ونغطيه بالجزء اللي فوق ونضيف كوب شوربه 
ونغطي عليه وعلي النار  لحد ما يتشرب نهدي النار لحد السوي  ويقدم بالهنا والشفا