حوار خاص لجريدة " المساء العربي " مع مهندسة ديكور مساعد " النهاية "

2020-05-21 22:05:49


متابعه خالد احمد

تحدثت المهندسة بسنت الهواري الدارسة باكاديمية الفنون بالمعهد العالي للفنون قسم الديكور عن نفسها، وعن مسلسل النهاية الذي حاز على اعجاب الكثير نظرًا لقصته المختلفة والفريده من نوعها، حيث تنبأ المسلسل بما سيحدث في عام 2021 .

ومن ناحية ديكور المسلسل فقد أبهر المشاهدين نظرًا لأختياره المتميز في هذا الوقت والذي يعتبر "المستقبل"، فتحدثت في البداية مهندسة الديكور "بسنت الهواري" عن مشوارها الفني: مفيش حاجه لعمل معين بس في العموم كل مشوار ليا كنت بحاول اجتهد ع قد ما اقدر واتعلم واوصل لنجاح والحمدلله نتيجته اني كل شويه بطلع سلمه ، و حرصت جريدة " المساء العربي " في حوار خاص لأول مرة كشفت عن كواليس مسلسل و أسرار اخرى كثيره كالآتي:

حوار خالد حمادة احمد 

* في البداية .. عرفنينا بنفسك و ماهي كانت دراستك؟ 

بسنت الهواري مهندسة ديكور.بدرس في اكاديمية الفنون المعهد العالي للفنون المسرحيه قسم ديكور .

* حدثنينا عن مشوارك في اي عمل فني ؟ 
مفيش حاجه لعمل معين بس في العموم كل مشوار ليا كنت بحاول اجتهد ع قد ما اقدر واتعلم واوصل لنجاح والحمدلله نتيجيته اني كل شويه بطلع سلمه.

* الفرصة جتلك انك تبقي موجوده ازاي في الدراما؟

اثناء دراستي كان في مهندس ديكور اعرفه وكلمته قولتله عايزه انزل اتدرب فكان مسلسل صاحب السعاده للاستاذ العظيم عادل امام وبدأت اتدرب وحبيت الشغل واثبت نفسي الحمدلله ومن ساعتها تواجدت في كل رمضان بعمل درامي واعمال اخرى خارج رمضان والدراما .

* مااهم عمل ،  و ماهي كانت الخبرات ؟ 

_كل عمل كان مهم بالنسبالي بكتيب طريقه وتفكير مختلف في الشغل وبكتسب خبرات من كل عمل بس اهمهم مسلسل النهايه وكانت الخبرات اننا بنشتغل اول مسلسل من النوعيه دي يتعمل في الوطن العربي فكنا بنفكر في حاجات مستقبليه مش ديكور عادي مش ميزانسين عادي تخيلات وافكار تكون لبعد ١٠٠ سنه.

* ما هي أسباب اختيارك للمشاركة في مسلسل " النهاية " في سباق الموسم الرمضاني الحالي ؟

المسلسل جالي من المهندس رامي دراج وانا بقالي فتره بشتغل معاه وهو صاحب الديكورات العظيمه الي ظهرت في مسلسل النهايه وليه فضل كبير عليا وانا بشكره جدا الاب الروحي ، وجالي الورق قعدت اقرأه وعجبني حاسه انه حاجه جديده بس مخيفه لانه اول مره يبقى في النوع ده في السباق الرمضاني او في الدراما عموما  بس لما شفت حماس المخرج والمهندس والاقسام الاخرى حسيت انه يالا نعمل العمل ده ونجتهد فيه ونطلع بعمل حلو وناجح وميقلبش كوميدي والحمدلله وصلنا لنجاجنا .

ما هي كانت علاقتك مع بالمخرج  ، ماابرز النصائح لهم ؟

المخرج ياسر سامي انسان عظيم كان بيحترم اي حد من الكبير للصغير اول مره اتشارك معاه في عمل علاقتنا بدأت اول ما بدأنا نتكلم في تفاصيل الشغل وبعد اول سفاريه للاردن للمعاينه ، وبقيت افهمه وهي لاقني بعمل الي بيفكر فيه واحنا في المسلسل علاقتنا بقيت قويه ما بين استاذ وبنته مثلا ، ونصيحة ليا دايما اني اهتم بالتفاصيل الصغيره قبل الكبيره  ، ودايما اقول رأي وهو دايما كان بيحترم يسمع لاراء الاخرين .

* كلمينا  عن ردود أفعال الجمهور في مسلسل علي السوشيال ميديا ، و مواقع التواصل الاجتماعي ؟

كانت ردود صدمتنا كلنا من النجاح لان كلنا كنا بنشتغل وعايزين نعمل شغل حلو وينجح وكنا مسحولين في التفاصيل اكتر من ان نفكر في توقعات ردود الناس او مين الي في السباق الرمضاني ، والردود فاقت توقعتنا وكنا فرحانين جدا وفي نقد طبعا الي كان في صالحنا والي كان تضدنا بس في الاخر كل النقد يحترم  
بس الحمدلله كأول تجربه من هذا النوع الدرامي ده في الوطن العربي انه ينجح بالشكل ده .

* هل كان في اي عوائق بتاثر علي العمل ، كنتوا بتعملوا ايه في وقت الحظر و انتشار أزمة كورونا أثناء التصوير ، و مازال التصوير مستمر و ماذا سينتهي؟ 

_طبعا كان في عوائق بس كان في مخرج مكنش بيخلي عائق يوقف ولا انتاج دايما كان بيساعد ويوفر حلول وبمساعدة كل قسم في هذا العمل كانت العوائق مبتوقفناش ، ولكن  الكورونا كانت اول عائق فعلا يوقفنا وطبعا كنا خايفين بس كنا عايزين نكمل وفعلا كملنا بعد ان شركة الانتاج تفرض وجود دكتور يتابعنا باللوكشن وبعدما ا.زكريا القفاص  ومحمد عبد القوي المنتجين الفني للعمل وفرو الحاله الصحيه في لوكشن التصوير بالتعقيم والكمامات وبوجود دكتور متابع كل من هو بلوكيشن التصوير . 

* ايه اول حاجه لفنت انتباهك خلال مسلسل النهاية؟ 

_ المشاركه الي كانت بين كل الاقسام مفيش حد كان بيهتم بمكانه وشغله فقط كلنا كنت متعاونين من مخرج ا. ياسر سامي لمدير تصوير حسام حبيب لمهندس ديكور رامي دراج لاستايلست انجي علاء في الاخر كل ده بيجتمع في فريم واحد وثاني حاجه فجأني الحماس الي كان موجود عند كل واحد مشارك في العمل ده عشان نوصل للنجاح الموجود دلوقتي الحمدلله .

* ما هي اعمالك خلال الفترة القادمة؟

_ في حاجات انا شاء الله جايه بس مقدرش اقول عنها حاجه عشان لسه ماعلنش عنها خير ان شاء الله .




موضوعات ذات صلة