أنا إنسان/ بقلم أحمد شاهين

2020-07-12 22:33:41


أنا إنسان. بقلم / أحمد شاهين 

لوحه وريشه وكمان ألوان
لكن ناقص إيدين فنان
تعبر ع إللى جوايا
وترسم رؤيتى لبكره
توضحنى كما الفكره
وهى بتدخل الأذهان
تبخر كل أحزانى
وتبعدها لأى مكان
تحدد كل لون فيا
أمل أحﻻم وتضحيه
ترسح معنى حريه
لكن مصحوبه بالإيمان
عايز أرسم ومش عارف
عايز أرسم لكن خايف
تاخدنى التوهه والهزيان
لوحه وفرشه وكمان الوان
لكن ناقص إيدين فنان
يحاول يرسم الصوره
قلوب تايهه ومكسوره
نفوس وبريئه  مأسوره
ومحبوسه ورا الجدران
يحاول ع الورق الأبيض
يترجم كل شئ غامض
ويرسم جنه للاطفال
وطفل جمبل بيتﻻمض
بيسال والسؤال مش عيب
نجاوب كل أسئلته
نعود عقله ع الترغبب
ويتمادى بمخيلته
يفارق أى سجن وسور
وﻻ مره يبات مكسور
وﻻ تهده فى يوم حيرته
لوحه وريشه وكمان ألوان
لكن ناقص إيدين فنان
يترجم كل أحاسيسنا
يعوضنا إللى ناقصنا
ولو حتى ببعض رتوش
وطير فوق السما مرصوص
وقمر ونجوم بتحرسنا
وبحر فى عز حر الصيف
بيحضن فينا ويبوسنا
وبر كة مولى حارسنا
لوحه وريشه وكمان ألوان
ومعنى يصيغه ألف لسان
وخط .بيفصل اللوحه
ما بين الحق والبهتان
ولوحه فى منتهى الروعة
وإمضائها
أنا
إنسان.
بقلم / أحمد شاهين 
11  /  7   / 2 020




موضوعات ذات صلة