يازماني/ بقلم عبد المنعم حمدي رضوان

2020-07-12 23:20:09


يازمانى

يا زمانى دورنى و دور وانا
 أدور داير مايدور 

و لاعمري هشكى ولا ابكى 
ولا اموت محسور

عمرى يوم  متنازل عن حقى
 و أكون مكسور

بكرة يطلع  الفجر اكيد 
وتشرق الشمس بالنور

انا اصلى لا عايز اموال
 ولاعقار ولابدى قصور

عمران قلبى دايما بالخير 
 ولحب الغير ميسور

 لا فاضى لسيره الناس 
على لقمه  عيشى بدور

 راضى بعيشتى ومسامح
  وبوضعى مسرور

 عايش عمرى فى الظل
 ولا عايز اكون مشهور

انا نفسي أموت و ربنا 
راضى  عنى  ومستور

                               الشاعر/ عبد المنعم حمدي رضوان




موضوعات ذات صلة